പേരാമ്പ്ര: ഓട്ടോയിൽ മറന്നുവെച്ച പണവും സ്വർണ്ണവും അടങ്ങിയ ബാ​ഗ് ഉടമയെ കണ്ടെത്തി തിരികെ ഏൽപ്പിച്ച് ഓട്ടോ ഡ്രെെവർ. ചെറുവണ്ണൂർ സ്വദേശി കോറോത്തു കണ്ടി ഷാജിയാണ് മാതൃകാ പ്രവർത്തനം നടത്തിയത്. കഴിഞ്ഞ ദിവസം രാത്രിയാണ് സംഭവം.

പേരാമ്പ്രയിൽ നിന്ന് ആവളയിലേക്ക് ഓട്ടോയിൽ കയറിയ യാത്രക്കാരി സ്റ്റോപ്പിൽ ഇറങ്ങുന്നതിനിടയിൽ ബാഗ് എടുക്കാൻ വിട്ടുപോയി. യാത്ര കഴിഞ്ഞ വീട്ടിലെത്തിയപ്പോഴാണ് പിൻസീറ്റിലുള്ള ബാ​ഗ് ഷാജിയുടെ ശ്രദ്ധയിൽപെടുന്നത്. ഉടനെ അതെടുത്ത് പരിശോധിച്ചതിൽ നിന്നും പണവും സ്വർണ്ണവും ഉണ്ടെന്ന് മനസിലായി. ഇ.എം.എസ് ആശുപത്രിയിലെ ഐഡി കാർഡ് ബാ​ഗിലുള്ളത് ഉടമയെ കണ്ടെത്തുന്നത് എളുപ്പമാക്കി. ടാ​ഗിലെ നമ്പറിൽ വിളിച്ച് ഉടമയെ വിവരം അറിയിച്ചു. രാത്രിതന്നെ യുവതി ഷാജിയുടെ വീട്ടിലെത്തി ബാ​ഗ് ഏറ്റുവാങ്ങി.

ഓട്ടോ ഡ്രൈവറും ഗ്രുപ്പ് ഓഫ്‌ കൺസ്ട്രക്ഷനിൽ വർക് കോഡിനേറ്റരുമാണ് ഷാജി.

Summary: Auto driver Shaji found the bag containing money and gold left in the auto and returned it to the owner