മേപ്പയ്യൂർ: സംസ്ഥാന കൃഷി വകുപ്പ് നടപ്പിലാക്കുന്ന ‘ഞങ്ങളും കൃഷിയിലേക്ക്’ പദ്ധതിക്ക് മേപ്പയ്യൂർ സലഫി ടി.ടി.ഐയിൽ തുടക്കമായി. കോളജ് ഓഡിറ്റോറിയത്തിൽ നടന്ന ചടങ്ങ് മേപ്പയ്യൂർ കൃഷി ഓഫിസർ ടി.എൻ.അശ്വനി ഉദ്ഘാടനം ചെയ്തു.

കോളജ് പ്രിൻസിപ്പാൾ അജയ് ആവള അധ്യക്ഷനായി. സുഷേണൻ, പവിത്ര സാഗർ, കെ.സീമ, എം.കൃഷ്ണൻ, പി.എം.സനിഷ, വി.കെ.സുരേഷ് കുമാർ, ആതിര, അദൽ അൻവാദ് എന്നിവർ സംസാരിച്ചു.

തുടർന്ന് വിദ്യാർഥികളുടെ നേതൃത്വത്തിൽ കോളജ് അംഗണത്തിൽ പച്ചക്കറി തൈകൾ നട്ടുകൊണ്ട് പദ്ധതിക്ക് തുടക്കം കുറിച്ചു.

ചിത്രം: സംസ്ഥാന കൃഷി വകുപ്പ് നടപ്പിലാക്കുന്ന ‘ഞങ്ങളും കൃഷിയിലേക്ക്’ പദ്ധതി മേപ്പയ്യൂർ സലഫി ടി.ടി.ഐയിൽ മേപ്പയ്യൂർ കൃഷി ഓഫിസർ ടി.എൻ.അശ്വനി ഉദ്ഘാടനം ചെയ്യുന്നു.