നൊച്ചാട്: നൊച്ചാട് പഞ്ചായത്തിൽ വീടിനോട് ചേർന്ന മതിൽ ഇടിഞ്ഞ നിലയിൽ. വെള്ളിയൂർ വെള്ളിലൊട്ട് ഷമീറിന്റെ വീടിനോട് ചേർന്ന മതിലാണ് ഇടിഞ്ഞത്. വ്യാഴാഴ്ച്ചയാണ് സംഭവം.

ഷമീറിന്റെ ഭാര്യയും കുട്ടികളും അടങ്ങുന്ന കുടുംബം വീട്ടിലുള്ളപ്പോഴായിരുന്നുഅപകടം. ഇവിടെ തുടർന്നും അപകട സാധ്യത നിലനിൽക്കുന്നതിനാൽ വീട്ടുകാർക്ക് മാറി താമസിക്കാൻ നിർദ്ദേശം നൽകി.

വില്ലേജ് വികസന കമ്മറ്റി അംഗങ്ങളും പഞ്ചായത്ത് അധികൃതരും വീട് സന്ദർശിച്ചു.

വീട്ടുകാർ ബന്ധുവീട്ടിലേക്ക് താമസം മാറാൻ സമ്മതം പ്രകടിപ്പിച്ചതായി വാർഡ് മെമ്പർ അറിയിച്ചു.