വോട്ട് ചെയ്യാന്‍ പോളിംഗ്ബൂത്തിലെത്തുമ്പോള്‍ ശ്രദ്ധിക്കേണ്ട കാര്യങ്ങള്‍
കൊയിലാണ്ടി: നാളെ വോട്ടുചെയ്യാന്‍ ബൂത്തുകളില്‍ എത്തുമ്പോള്‍ താഴെപ്പറയുന്ന തിരിച്ചറിയല്‍ രേഖകളിലൊന്നു നിര്‍ബന്ധമായും കൈയില്‍ കരുതണമെന്ന് നിര്‍ദേശം.
അംഗീകൃത തിരിച്ചറിയില്‍ രേഖകള്‍ ഇവയൊക്കെയാണ്
* കേന്ദ്ര തിരഞ്ഞെടുപ്പ് കമ്മീഷന്‍ നല്‍കിയിട്ടുള്ള തിരിച്ചറിയല്‍ കാര്‍ഡ്
പാസ്പോര്‍ട്ട്
* ഡ്രൈവിംഗ് ലൈസന്‍സ്
* പാന്‍ കാര്‍ഡ്
* ആധാര്‍ കാര്‍ഡ്
* ഫോട്ടോ പതിച്ച എസ്.എസ്.എല്‍.സി ബുക്ക്
* ഏതെങ്കിലും ദേശസാല്‍കൃത ബാങ്കില്‍ നിന്നും തിരഞ്ഞെടുപ്പ് തീയതിക്ക് ആറുമാസം മുന്‍പുവരെ നല്‍കിയിട്ടുള്ള ഫോട്ടോ പതിച്ച പാസ് ബുക്ക്
വോട്ടര്‍ പട്ടികയില്‍ പുതിയതായി പേര് ചേര്‍ത്തിട്ടുള്ള വോട്ടര്‍മാര്‍ക്ക് സംസ്ഥാന തിരഞ്ഞെടുപ്പ് കമ്മീഷന്‍ നല്‍കിയിട്ടുള്ള തിരിച്ചറിയല്‍ കാര്‍ഡ് എന്നിവ തിരിച്ചറിയല്‍ രേഖയായി ഉപയോഗിക്കാം.കൊവിഡ് പ്രോട്ടോക്കോള്‍ പാലിച്ച് വേണം വോട്ട് ചെയ്യാന്‍ എത്തേണ്ടതെന്നും തെരഞ്ഞെടുപ്പ് കമ്മീഷന്‍ അറിയിച്ചു. സമൂഹിക അകലം കൃത്യമായി പാലിക്കണമെന്നും നിര്‍ദേശം ഉണ്ട്.
